Merkelapp-arkiv: nøstebarn

Haustferiespøt

Haustferien kom og både vottar og anna ulltøy vart pakka. Det regna godt då me køyrde til Herand i Jondal kommune. Og regnet haldt fram nesten heile vegen til Tostølen. Me hadde lånt hytte gjennom inatur.no, ei lita hytte på 800 moh. Turen er skildra hos Jondal Turistinformasjon og kart og gps-fil er å finna på lommekjent.no.

Etter mange timer til fots kom me endeleg fram! Tostøl ved Tostølvatnet. Etter ein dopause og nokre kjeks måtte eg retunera eit par km for å henta sekken min. Minstemann (3 år) var så sliten og orka ikkje gå lenger i regnet så han måtte på ryggen. Han har vorte for stor til å sitja på magen synte deg seg, så sekken måtte venta. Då eg kom attende til Tostøl for andre gong den kvelden var hytta varm og middagen ferdig. Heilt fantastisk!

Tostøl i Herand.

Hytta låg heilt perfekt til for fisking og rykta tilsa at det skulle vera godt med fisk i vatnet. Heldigvis hadde me ikkje satsa på at sjølvfanga fisk skulle vera ein del av middagen.

Klar for fisketur

Yngstemann hadde ikkje heilt tolmodet til å fiska. Og eg forstår han så godt. Det er KJEDELEG å fiska. Kjempekjedeleg. Derimot klarte han å fanga ei mamma.

Eg har fanga ein mamma!

Eg prøvde å sløva mest mogleg  inne. Kvalitetssløving med spøt. Eg hadde med Silkegenser frå Strikk meir til nøstebarn til Storebror. Fin ferie og nesten ferdig med bolen den tida med var på hytta.

Haustferiespøtet

Det synte seg at det var noko feil med lengda på turen. Det står oppgjeve at han er 4,8 km. Men både GPSen og runkeeper påstår at turen er 5.5 km lang. Storebror såg me knapt nok, kun ved start matpause og ved bilen att. Treåringen gjekk heile vegen sjølv.

På veg frå Tostøl til Våhaug kor bilen sto parkert

Før me reiste, så hadde eg spøta vottar og halsar til dei. Fiskarhalsar frå Strikk meir til nøstebarn. Eg tenkte dei ville vera perfekt å ha under hetta dersom det regna.

Fiskarhals2a
Fiskarhals1a
Fiskarhals 1 og 2

 

Fiskarhals

  • Fiskarhals, storleik vaksen: 54 g Kauni effektgarn spøta på pinnar 4,0 mm
  • Fiskarhals, storleik born: 51 g Askeladen 3-tråds merinoull spøta på pinnar 4,0 mm

Oppskrifta på Fiskarhals er henta frå Strikk meir til nøstebarn av Kathrine Gregersen.

 

 

Kom Mai Du Skjønne Milde

Kom, mai, du skjønne, milde,
gjør skogen atter grønn,
og la ved bekk og kilde
fiolen blomstre skjønn!
Hvor ville jeg dog gjerne
at jeg igjen deg så!
Akk, kjære mai, hvor gjerne
gad jeg i marken gå!

Om vint’ren kan man have
vel mangt et tidsfordriv;
man kan i sneen trave –
å ja, et lystig liv!
Men når seg lerken svinger
mot sky med liflig slag,
på engen om å springe –
det er en annen sak!

Kom derfor, mai, du milde,
gjør skogen atter grønn,
og la ved bekk og kilde
fiolen blomstre skjønn!
Hvor ville jeg dog gjerne
at jeg igjen deg så!
Akk, kjære mai, hvor gjerne
gad jeg i marken gå!

Tekst: D.Jæger
Mel: W.A.Mozart

TULL og TØYS!

Det er korkje skjønt eller mildt ute no altså. Eller sagt med facebookfarsotten siste døgeret:

«Mai er avlyst på grunn av tekniske
problemer. Vi sender derfor en reprise av februar
til feilen er ordnet», melder drittvær.no

 

Maiblomen  har blitt ein ekte strilagut og køyre på traktoren sin når me er ute (John Deere, sjølvsagt). Køyre og køyre – han sit og held seg fast i rattet og eg må dra. Når det regnar og bles og er så surt som det har vore dei siste dagane, så blir fingrane iskalde og raude. Og eg har ikkje hjarta til å sjå på dei kalde små henda hans. Rillestrikka vottar frå Strikk til Nøstebarn er raske å laga. Det er dei same eg laga i full fart til Storebror før han reiste på vinterferie hos farmor og farfar og no har altså Maiblomen fått eit par i forseinka eittårsgåve. Dei er spøta i 2-tråds merino frå Askeladen (Nøstebarn) i fargane rust og mørk grøn. Dei same som var i Otto’en.

Eg må be om orsaking for ynskjet eg uttrykte i april då eg hadde spøta nyfødtaviatrix. Hadde eg visst konsekvensane av det eg då sa, så hadde eg aldri håpa på ein kald vår.

Rosa og kaprifolen står grøn og fin. Og det er så  surt og kaldt ute.

Strilagut på traktoren sin. Han kunne køyrt heile dagen slik som dette. Men eg er ikkje heilt enig altså.

Fortare mamma. FORTARE!

Sokkegåve

Sokkespøtinga mi er ganske rusten. Det er lenge sidan eg har gjort det og heilt ærleg så synest eg det er ganske kjedeleg å spøta sokkar. I det siste (dvs etter at eg  traff Mannen) så er det Storebror og Maiblomen si Oldemor som har levert sokkar til oss her på Strilalandet. Sjølv om det gjere vondt å tenka på så kjem det på eit eller anna tidspunkt å bli slutt på Oldemorsokkar. Og då er det nok eg som må ta over…

Det er berre ein ting å gjera då – nemleg øva. Etter iherdig spøting vart eg ferdig. To stykk sokkar og eg unngjekk Second Sock Syndrome med eit naudskrik. Eg knakk den eine pinnen og det var ganske så irriterande å spøta sokkar på fire pinnar i staden for fem. Sokkane er Sokkar i 3-tråds garn  frå Strikk til Nøstebarn. Eg har spøta dei i Silja frå Gjestal på pinnar nummer 3,0 mm.

I dag skal eg pussa litt på glorien min 🙂 Storebror har ei kjær venninne i nabohuset som han er så glad i. Før jul såg han eg hekla Ice Princess og ville eg skulle hekla eit panneband til venninna óg. Då sa eg nei, hadde eigentleg meir enn nok å gjera på før jul. Starten på 2012 har vore dårleg sånn i høve til spøtinga mi. Eg har utsett og fortrengt det faktum at eg må rekka opp att skjørtet mitt samt gjera delar av Mariusdressen på nytt att. Og då har eg gjort småspøt i staden for. Og det var jo supert å få trent på sokkespøtinga og gjera Storebror glad samstundes. Han hadde ei gåve til venninna si 🙂

 

 

Då eg var ute i hagen for å ta bileta av sokkane gjekk det opp for meg at det faktisk er vår her. Snøklokkene er jo i full blom. Eigentleg er eg i fornekting for eg vil så gjerne ha snø og gå på ski og aka. Må nok ha tolmod og venta til neste vinter.

Gul trekant

Ein liten tøybleiebaby treng jo bleiebukser. Til Storebror strikka eg ingenting – det var det mamma som måtte gjera. Han fekk Nøstebarn sine bleiebukser, trekantbuksa og nattbuksa. Den gongen hadde eg ikkje oppdaga at bleiebukser faktisk kunne vera noko anna enn Nøstebarn.

Eg skal vera vel budd til magebuaren kjem ut og han skal ikkje mangle bleiebukser i alle fall. Storebror har fått bestemma fargane.

Aller fyrst så strikka eg trekantbuksa frå boka «Strikk til Nøstebarn» av Kathrine Gregersen. I gul 3-tråds merino (Askeladen) frå Nøstebarn. Denne babyen blir nok ei lita solstråle 😉

Gul trekantbukse frå Nøstebarn